|
|
SOTTOCAPITOLO: 'O SADICO 'O sadico nun è sadico da nascita. Nun'ha visto istituti e currezione. Nun ha chiagnuto 'mbraccia a nu prevete rattuso. Eppure, qualcosa 'nge mmiso 'ncapa nà cuncezione 'nfama da vita. Comme certe aneme 'mpena, aneme che sa fanno pò munno (o che sà sò fatta) ò sadico nun crere a Dio. Però quando sta pè tirà a pelle, preje. Se faccia avvedè buono, stu Dio de cristiani. Nun faccia comme o Dio e l'ebbrei, ca fulmina a vista e l'uocchie pe sette generazioni, fa addeventà sale e fuoco e Gomorre, e nun perdona maje a nisciuno, manco e femmene (ca cumme femmene nun l'hanna ringrazià a matina). Chistu Dio possibilista, fino comme na volpe, ca pò salvà ò juorno da morte e pò salvà o juorno dò giudizio. Chistu Dio 'struito, c'ha leggiuto Platone. Raffinato comme o pò essere l'urtemo e l'evangelisti. Fino 'ntentitore da cuscienza. Pisicologo. Migliorista. Antistalinista. Chistu Dio triplicatore e ubiquo. Padrone do criatorio. Poco umano pe essere nu Dio. | GC |